Däm Kakitani vom FCB

hänn sie gly e Ibername geh

nur deents im Sturm e bitz zem lache

wenn Pipi und Kaki Gool mien mache

Dipflischysser

Dr Strelli duet bim FCB noomool unterschryybe.

Dr Bäärni Heusler het iim gsait, daarfsch noo-n-e Jöörli blyybe.

Ei, ei, ei, ei … drnoo wiirsch transferiert

dur d’Sänfduube wiirsch vom Stroofruum diräggt ins Tertianum abserviert.

S’Gellerettli

Ar isch vom FCB zum FCB,

mir hän dä bim FCB aber nie meeh gseeh.

Dr' Shakiri hett nur e baar Minudde,

deerfe bi de Grosse schudde.

Do meint dr' Sherdan, gott sei dangg,

sitzt au dr Hoeness uffdr Bangg,

Ryssblei

Bi Inter Mailand isch dr Shaqiri schon e Held

e baar Millione griegt er dert wie me verzellt

e Weermuetsdropfe gitts, äär rysst scho bizz e Schnutte

jetz muess dää aarmi fir das bizzli Gäld no schutte

Giftnuudle

Dr FC Luzäärn isch ganz dief unde.

Drum hän mir fir dä e neye Drääner gfunde.

S isch d Natascha Kampusch, nit ooni Grund.

Die weiss wie me uss em Käller kunnt.

Källerassle

Dass dr Shaqiri wäg vo Bayern goot, isch glaar

Het fascht nur s Bänggli gwärmt, si Ysatz-Zyt isch rar

Jetzt spiilt er z Mailand vorne mit wie z Basel ainscht

Und isch um all die Tschingge ändligg nim dr glainscht

Babberlababb

Mir finde das e Sauerei

Die neji Raasesprayerei

My Frau frogt was das zaige sott

Dä schwarzi Maa macht sich zem Spott

Ich main die Strich sin nit vom Schiri

Daas sin d Laufwääg vom Shaqiri

d’ hooseglunggi

Wo d aaneluegsch isch Dichtestress,

So schimpft mi Maa, ych sag em kess:

Ych kaa dir hälfe, liebe Schatz,

Muesch nach Ziiri an Matsch,

denn dert hesch Blatz.

Anggewegglimaitli